Afrika Blues met Louis Mhlanga, Albert Frost, Schalk Joubert en Sima Mashazi

MET Louis Mhlanga (kitaar en sang), Schalk Joubert (baskitaar), Sima Mashazi (sang), Albert Frost (kitaar en sang) en Jonno Sweetman (perkussie) REGIE EN TEKS Schalk Joubert MUSIEK Schalk Joubert, Albert Frost, Louis Mhlanga en Sima Mashazi PRODUKSIEBESTUURDER Vicky Davids

Die blues is in Afrika gebore en sy wortels is steeds diep in ons vasteland gevestig. Dit het oorgespoel in soveel van ons plaaslike musiek – van boeremusiek tot township jive. Met die bekroonde Sima Mashazi se klokhelder stem en die virtuose musikante Louis Mhlanga, Schalk Joubert, Albert Frost en Jonno Sweetman is hierdie vertoning gelaai met uitstaande kitaarspel, aansteeklike ritmes en die ontdekking van die oorsprong van vele van ons land se mees bekende liedjies en style.